RREGULLORE E PËRGJITHSHME E KUPËS SË REPUBLIKËS "SUPERMOTO 2022".

 

 

Federata Shqiptare e Motoçiklizmit organizon Kupën e Republikës 2022".

 

​

 

1. Të përgjithshme

 

Eventi, i cilësuar si i tillë që organizohet në një ditë dhe përfshin të gjitha garat, provat ose garat e suportit brenda saj.

​

Gara, pjesë e eventit, fillon në momentin e përcaktuar në axhendën e eventit 

he përfundon 30 minuta pasi juria shpall rezultatin zyrtar.

 

 

 

 

2. Klasat

 

2.1 Të gjitha klasat pjesëmarrëve do të jenë të klasës "FIM-Europe S2."

 

​

 

3. Pilotët

 

3.1 Kupa e Republikës është e rezervuar vetëm për mbajtësit e një Licence Kombëtare Shqiptare gare të vlefshme për vitin 2022 në disiplinën "Supermoto".

​

3.2 Licenca do të merret në momentin e regjistrimit në garë

 

3.3 Mosha minimale e lejuar e pilotëve pjesëmarrës është: të lindur përpara datës 1 janar 2005.

 

3.3 Çdo pilot e ka të detyruar veshjen mbrojtëse minimale: Helmetë, mbrojtëse për sytë, doreza, veshje mbrojtëse, çizme gare.

 

​

 

4. Motori

 

4.1 Motorët pjesëmarrës janë të klasit S2; midis 175cc deri 250cc dykohësh dhe midis 290cc dhe 450cc katërkohësh.

 

4.2 Motorët jashtë kësaj kategorie do të marrin pjesë në garë, do të marrin pikë për Kupën por kanë edhe renditje të veçantë.

 

 

 

 

5. Gjyqtaria

 

5.1 Gjyqtaria e garës përbëhet nga:

 

1- Drejtuesi i eventit

2- Drejtuesi i garës.

3- Komisari teknik.

4- Juria sportive e kohëmatjes, numërimit dhe vendimmarrjes.

5- Komisarët e pistës

6- Kujdestarët e pistës

7- Mjeku i garës

 

5.2 Vendimet e jurisë dhe rezultatet do të publikohen në një zonë rreth 20 m pranë vendndodhjes së saj.

 

 

 

 

6. Penalizimet

 

6.1 Sipas shkallës së shkeljes, do të jetë në gjykimin e Jurisë së Vendimmarrjes aplikimi i penalltive të mëposhtme:

 

1- paralajmërimi

2- gjoba

3- heqje kohe ose pikësh

4- zbritje në renditje

5- skualifikim

6- "STOP and GO" penallti

 

 

 

7. Numrat e garës

 

7.1 Çdo garues do pajiset me tre numra ngjitës që duhen vendosur në motor.

 

​

 

8. Regjistrimet

 

8.1 Registrimi për çdo garues behet online.

 

8.2 Afati i fundit për regjistrim është 48 orë përpara fillimit të garës.

 

8.3 Numri maksimal i pilotëve në garë është 20 pilotë.

 

8.4 Në oraret e kontrollit administrativ, të gjithë pilotët duhet të paraqiten dhe të sjellin dokumentet e kërkuara.

 

8.5 Mosparaqitja në këto orare përbën skualifikim nga gara.

 

8.6 Kontrolli teknik i mjeteve do të bëhet në orarin e caktuar dhe brenda zonës së parkimit.

 

8.7 Pas kontrollit teknik, mjetet nuk mund të dalin më nga parkimi i caktuar.

 

 

 

 

9. Formati i Kupës

​

9.1 Dy seksione provash të lira nga 30 minuta secila. Dy seksione Warm Up. Pjesëmarrja e lirë.

 

9.2 Një seksion qualifikues i kronometruar, individual, 60 minuta.

 

9.3 Katër gara nga (x) xhiro. Numri i xhirove do të caktohet për një kohëzgjatje gare rreth 25 minuta.

 

9.4 Secila garë është e pavaruar dhe ka pikavarazh më vete për Kupën.

 

9.5 Që garuesi të mund të marrë pikë, duhet të startojë dhe të kryejë minimumi 1/2 e garës.

 

9.6 Rradha e nisjes në Garën I, do të jetë sipas kohës së kronometruar në qualifikim.

​

9.7 Radha e nisjes në Garën II, do te jetë sipas inversit të rezultatit te Garës I

​

9.8 Radha e nisjes së Garës III, do të jetë sipas inversit të rezultatit të Garës II

​

9.9 Radha e nisjes së Garës IV, do të jetë sipas inversit të rezultatit të Garës III.

 

9.10 Për çdo garë do të ketë sistem pikësh. Shuma e pikëve të të gjitha garave së bashku shpall fituesin.

 

9.11 Ne rast pikavarazhi të barabartë, merret parasysh numri më i madh i vendeve të para, të dyta, e me rradhë.

​

 

 

 

10. Gara

 

10.1 Zona e pritjes në start hapet 15 minuta para startit.

 

10.2 Pesë minuta para startit mbyllet hyrja për në zonën e pritjes.

 

10.3 Dy minuta para startit, venia e helmetave e detyruar, largimi i të gjithë asistentëve nga pista.

 

10.4 Një minutë para startit mund të ndizen motorat.

 

10.5 Motorat qe nuk ndizen dot, kanë kohë deri në mbarimin e xhirove të nxehjes për t'u ndezur. 

 

10.6 Në sinjalin e drejtuesit të garës nisin dy shiros e nxehjes. 

 

10.7 Në sinjalin e drejtuesit të garës, fillon gara. Sinjali është ulja e flamurit të kuq poshtë. 

 

10.8 Nisja e parakoshme penalizohet me një "Stop/Go" për pilotët që kanë kryer këtë shkelje.

 

 

 

 

11. Sinjalet

 

11.1 Sinjali: (kuptimi)

 

Karton i bardhë "4": (Katër minuta për start)

Karton i bardhë "2": (Dy minuta për start)

Karton i bardhë "1": (Lejohet ndezja e motorëve)

Karton i zi "STOP/GO" Shoqëruar me numrin e pilotit: (hyrje dhe dalje e detyruar nga bokset).

Karton jeshil "10": (Mbetur edhe 10 xhiro). 

Karton jeshil "5": (Mbetur edhe 5 xhiro).

Karton i bardhë "Last lap": (Xhiro e fundit)

 

11.2 Flamurët: (kuptimi)

 

Flamur i kuq: (Ndalim i garës).

Flamur i zi shoqëruar me numrin e pilotit: (ndërprerje e garës për pilotin).

Flamur i verdhë (i pavalvitur): (Rrezik. Piloto me kujdes)

Flamur i verdhe (i valëvitur):  (KUJDES! Rrezik. Mbase duhet ndaluar. Jo parakalim. Mos kërce.)

Flamur i verdhë me të kuqe:  (Zonë e rrëshqitshme. Vaj ose ujë)

Flamur i blu (i valvitur): (KUJDES! Pilot më i shpejtë po vjen. Je xhiro mbrapa. Krijo lehtësi parakalimi).

Flamur jeshil: (Pistë e pastër).

Flamur bardhezi:  (Finish).

 

 

 

 

12. Pikët

 

12.1 Shkallëzimi i pikëve për çdo garë:

 

25 pikë - Vendi i parë

22 pikë - Vendi i dytë

20 pikë - Vendi i tretë

dhe në vazhdim...

18/16/14/12/10/9/8/7/6/5/4/3/2/1.

 

 

 

 

13. Protestat

 

13.1 Çdo pilot që ka një protestë, duhet ta depozitojë atë me shkrim menjëherë pranë jurisë.

 

13.2 Brenda 30 minutash nga depozitimi i kërkesës Juria do të japë përgjigjen.

 

13.3 Limiti kohor i ankesave është jo më vonë se 30 minuta pas publikimit të rezultatit final.

 

 

 

 

14. Ceremonia e çmimeve

 

14.1 "60" minuta pas shpalljes së rezultatit, zhvillohet ceremonia e ndarjes së çmimeve.

Vendi i parë, i dytë dhe i tretë - marrin kupë.

 

14.2 Në podium pilotët fitues duhet të jenë me veshjet e garës.

 

 

 

. . . . . . . . . . . . . . . . . . . . . . . . 

SuperMoto 2022

 

________________________